2011年9月3日 星期六

大時代(二)

誠如travers兄所言,又該闢一個新欄讓大家瀏覽得舒服點了。繼金融海嘯後又一波環球性金融危機尚未過去,懶,無才,抄老題算了。

自己在大學任教時編過一本期刊,名為《大學時代》,現在居然重覆提及其中三個字,真是人生如戲,處處詭異。十三歲由國內移居香港後即涉獵玄學,後來鍾情《紫微斗數》,偶然算算《諸葛神數》,回看過去二十幾年的時運轉替,一直十分無奈,無法擺脫運命的制限,也不得不驚歎玄學的深廣。

一時感觸,罷了。

回到正題。歐美經濟已經鐵定了面臨衰退,金融體系問題頑固,股票市場還是十分不平靜。環球經濟結構嚴重失衡,卻是資本主義逐利制度有以致之。興旺過後,自然帶來衰亡,歐美的債務漸成拋不掉的重壓,這種流弊,已經開始深植於不少新興國家之中。環球資金左衝右突,沒有一個有力的全球政府指點江山,解弊救厄。各國各為其民,而多國政府的政客又是私心昭昭,難制治本宏圖。總是一盤爛帳。資訊越紛繁快捷,人總越是活得疲累無助,尤其是當放不下,割不斷「利」之所求的時候。

投資生涯,也是「活」的一個過程。Travers兄之前提到要歇一歇,Rocky兄也提到暫時離場,Danny兄也時常保持輕鬆愉悅的平常心,在下希望也走得不太慢,趁周一「真正」搬屋,或會放鬆一下。各位高手仁兄有空光顧小山洞且繼續賜教,自由抒發!

212 則留言:

1 – 200 (共 212 個)   較新›   最新»
danny136036@gmail.com 提到...

山頂洞人投資手記
來者不拒廣結博緣
每日來訪已成習慣
祝新居入伙合家歡.

匿名 提到...

好! 車搞掂番, 喱次真真正正入伙. 最開心一定係仔仔, 廣屋闊園, 日日山水環伴, 老爸係全港最佳中、數導師, 仲有大賓接送.

祝哥仔事事順利, 闔家歡暢! 仔仔活潑伶俐, 天天進步!

----龍

Jazzf 提到...

山頂洞人兄,我係經朋友rocky個blog入黎的,見到你關注股票有神威,想問下你點睇今期業績,我講下自己點睇先...

因為阿爺打壓藥股的價格神威毛利率由69.5%下跌至66.6%,而盈利由4.2億上升至4.38億的主要原因是其他收入中增加了3000萬,如計算核心盈利的話是由3.63億下跌至3.47億,靠著人民幣升值才可以保持中期每股核心盈利0.504。

之前第一季的中藥注射大幅下跌,靠軟膠囊及顆粒出現大幅增長才可以保持營業額微升,在第二季我們可看到中藥注射升回至3.52億營業額,軟膠、顆粒都保持第一季的強勢,神威在報表中的三段產品的簡述我有以下的解讀法:

1)注射液: 由於中藥注射業績主要因參麥注射增長29.9%銷售得到,而清開靈就因為招標失利及部份未能中標,就算中國各地因甲型H1N1流感引致清開靈注射需求大增亦沒辦法得到優勢。
2) 軟膠囊:由於今年的大力宣傳令到藿香正氣軟、清開靈及五福心腦清都恢復正常增長,同時亦取到較大的市場份額。
3) 顆粒及其他:增長點在於2010年底完工的綜合製劑車間幫助由產能19億袋上升至34億袋,而小兒顆粒系列錄得強勁銷售及新產品滑膜炎顆粒及复方甘草片帶來了新的銷量。

其實第兩同三點中都是真的做到了10年年報說的諾言,真係值得表揚下,但營業額始終沒有比大行預期增長至10.8億,我認為神威處於一個轉捩點,想把重心由中藥注射分散多一點在軟膠囊及顆粒業務身上,但在軟膠囊及顆粒的銷售增長出現了一個大問題,應收票據升至4.2億多左成1.6億,比營業額上升的1.1億更多。

應收帳大升可以係下面幾個情況:

1)因為銷售給新的客戶,所以用可拖欠先,賣得再收錢來吸引客戶。

2)靠應收帳放大來谷大營業額而避免倒退,但有時一點點的財技手法做個好業績係可支持股價,如果營業額真係追唔上咁就有愈滾愈大最後爆的可能。

啊...重有想請問埋今期長城業績你點睇?!

閒人 提到...

山頂兄,恭賀喬遷之喜!祝山兄再上一層樓,繼續又順又利,牛熊通宰!

Do寶爸 提到...

洞人兄是在香港的大學任教嗎?

山頂洞人 提到...

謝各位!也順帶感謝先前烏龍搬屋時各位的好意!^-^

Jazzf兄,神威的業績看得很仔細呀。之前因雜事繁多,許多感興趣的股份的業績都未及細看,有些僅一瞥而過,未細究。現在正忙碌中,非常抱歉!關於神威和長汽,希望最晚星期三可以多回應一點。


寶爸兄,是的,曾經教過九年。對本港個別院校的某個界別的研究和教學水平(其實具普遍性)感到失望,破天荒請辭,走了,「湊仔」和玩股票去。

匿名 提到...

洞人兄,如果#1728再跌會否再加注呢?我自己想加注#1828 or #1728 ,想問吓洞人兄意見

pisces 提到...

洞人兄和各位周末快樂。

關於1728,Aastocks。Com 上的資金流向、跟1828的比較一下,我的推測是:1728上周五是有大戶左右手交換式地買賣,一天15多Million 的交易量中,真正一單大的是那一單大12點幾Million 的交易。看Aastocks的詳細價位的頭五大Trade的價位,就看見第一位是那個12點幾million的Trade。不過這位大戶看來不是洞人兄平時多見的巴克雷。有人要出貨,有知情者就乘機再震倉?
看來禮拜一會很血腥

山頂洞人 提到...

祝各位新一周能保底致勝!

謝pisces兄意見!匿名兄不妨參考。這手近1.2億元的成交很突出,未知是自己人左手交右手還是有人撤出(趁特大消息?)交給人家去散。留意到當天正通的沽空額並不特別高,約5.66百萬,如要刻意造淡,也許會有強勁的沽空額伴隨,所以完全不知賣何藥,也不知是否有人因見市況「唔對路」,趁之前正通股價離復牌前已猛颷而獲利。

所以完全視乎對正通與大昌行各自的信心而定。大昌行始終是眾汽車經銷商中最讓香港投資者心裏有數、最穩健的選擇,正通表面看不到問題,成長勢頭明顯,視乎對管理層有多深的認識和多大的信心……

pisces 提到...

洞人兄,
您對1728 關注許久,
這個 http://hk.stocktnt.com/stock/01728-agency
的 [2011年09月02日 机构持仓一览] 和
[当日增持排行榜] ,
1. MORGAN STANLEY HONG KONG SECURITIES LTD
2. CREDIT SUISSE SECURITIES (HONG KONG) LTD
3. 美林远东有限公司
4. 德意志证券亚洲有限公司
5. 中国银行(香港)有限公司
6. 花旗银行
7. 招商证券(香港)有限公司
8. 辉立证券(香港)有限公司
9. 雄愉证券有限公司
10. 东亚证券有限公司

[当日减持排行榜 ]
1. 香港上海汇丰银行有限公司
2. 渣打银行(香港)有限公司
3. 高盛(亚洲)证券有限公司
4. BNP PARIBAS SECURITIES SERVICES
5. UBS SECURITIES HONG KONG LTD
6. 恒生证券有限公司
7. 广发证券(香港)经纪有限公司
8. 创兴证券有限公司
9. 汇丰金融证券(香港)有限公司
10. 新鸿基投资服务有限公司


會不會給您一些hint ?
我記得看到 大魔,花旗,不過推不出甚麼猜測。。。:-(

山頂洞人 提到...

謝pisces兄!《財富空間》網會聚了不少有用資料,我時不時也會去看看。不過大戶的印跡經常詭異飄忽,一般旁觀者不容易追蹤。譬如摩香也時見蹤影,卻遠遠不及巴克萊的頻繁,但巴克萊並沒被列入十大機構持倉名單之中,巴克萊做莊的格局如此明顯,按理應該手上有許多股份才對(然則大戶很想隱藏其身份)……

平時個人留意基本因素始終較多,自覺仍未窺見操盤手和大戶風格的堂奧。像六福等股份因為追蹤了五六年以上,有些東西看得清楚一點,至少感應得較踏實。正通作為半新股,且基地全在國內,仍有待持久一點的觀察,之前敢吸納多一點,主要看好行業的前景和認同其擴張策略。當下整個投資市場風雲變幻,走勢非常難以預估,在波平浪靜之時倒比較容易「玩」……

Jazzf 提到...

山頂兄,我係一個超級晚輩,叫我Jazzf仔就好了,慢慢等你神威同長城,唔使急=]

另外講少少1728的個人睇法,佢半年盈利都只不過係3億人民幣左右就算佢點增長得勁,比到佢下半年盈利比上半年再升一倍,比上年升足3倍,去到全年不可能的9億盈利,EPS都係0.54HKD,現價都成17倍PE真係貴到阿媽唔認得。

睇圖表既話我認為係派發形態,$8.6九成會見到,如果用返連圖+正常估值既話收穿埋8蚊後我估計會變熊股一路跌返去起跑線先穿$7.2再見$6.5。

估值上睇1828就對比1728平好多了=]

以上只係我帳面上睇到的數字再自行主觀地做估值,如果係一年或以上既公司發展同走勢我就睇唔通了,正如我唔明點解大行預期正通下年盈利可以去到12億人民幣,後年去到17-18億人一樣,但我覺得暫時報表中d數字比唔到信心人,同埋如果係真的唔通真係間公司發展得咁好就有錢齊齊搵,所以呢一類半新股既大行報告對我黎講too good to be true,唔值而家咁高估值。

山頂洞人 提到...

Jazzf兄,稱「兄」慣了,四海之內皆兄弟也,不歧視年齡。^-^

今晚通宵準備搬家,煩了偷閒上網談談。^-^

光憑正通收購中汽南方前原有業績自然增長的話,它今年的預期市盈率是相當高的,中績盈利是2.93億元人民幣。不過若最終落實這宗大併購,可見,收購目標今年中績溢利2.67億元人民幣(前年全年3.92億,去年全年6.14億)。推想,若下半年盈利大約是上半年盈利的1.3倍的話,則正通全年業務的盈利或可達12.88億元人民幣,即港幣15.7億元。

本次收購主要是用第一次上市、前段時間配股所得的現金,不足的話另行借貸去償付,並不會增加股份。現有股份22億股,現價$9.42,市值207億,約折合個人模糊預估市盈率13.2倍,跟大昌行非常接近,而大昌行還涉及恐怕一般投資者不大感興趣的食品和物流業務。

一般來說,汽車銷售的旺季應在10月至年底這段時間。就算略保守一點假設平均下半年盈利是上半年盈利的1.2倍,全年總體盈利也接近港幣15億元,預期市盈率依然低於14倍。

所以,假設正通沒「造數」,其管理層又沒有欺瞞,實實際際做生意,目前的估值或僅貼現了一個比較低的未來年增長雙位數字。

若撇除陰謀論的猜估,回到基本的數據思考。正通過往之所以得享相當高的市盈率估值,是因為上市已集得不少資金,本來就有利這種行當搶奪江山,讓人憧憬它將快速併購壯大,加上它的業務重心較偏向中高檔甚至高檔汽車品牌,較易得市場青睞,又有索羅斯坐股,確實有某種「合理性」存在。另一個角度的思考是,這次大併購,把原有的憧憬「坐實」了,企業也開始步入借貸狀況,短期內再行急速擴張的步伐受到抑制,而且能否非常順滑地操控新公司的各項業績達到1加1超過2而不是低於2,也是未知之數,也許,這樣看的話,就能理解獲利盤的出現(尤其是當有人等錢用或者不看好整體大市走勢的話)……不過這也只是一個角度供參考,股價的波動底因始終難以清楚考究……

Rocky 提到...

他不止是"兄",而是"神"啊 XDDD

匿名 提到...

正通仔扭升!!

----龍

匿名 提到...

味千仔都反彈!!


---龍

pisces 提到...

congratulations to 洞人兄新居入伙合家歡

匿名 提到...

#1728真係好難捉摸

---Simon

Jazzf 提到...

1728,明白了 =]
另外呢神威我問左佢地管理層其他收入增長果3000萬係咩,清開靈果到點搞同埋應收票上升高過營業額搞乜。

您好:

其他收入主要是政府补助,去年中期报告的管理层讨论及分析都有说明。今年中期报告的管理层讨论及分析也会有说明。

清开灵注射液在2010年由於H1N1流感的原因,在2010年的需求特别大,今年2011年上半年由於没有H1N1流感的原因,所以清开灵注射液的销售是减少的。

我们也不希望太依赖几个主打的产品,分散业务是其中一个过程。

应收票据上升是由於六月份销售上升,现全都到账。应收票据都是银行开出的票据,到期到账,收不到账的风险很低。

谢谢!

Met Luk (陆一鸿)

你buy唔buy?

Zeta 提到...

趺600點,痴左線

Do寶爸 提到...
作者已經移除這則留言。
Do寶爸 提到...

$10.6買回一注#2333

Zeta 提到...

Do寶兄,

2333 高位放左,底價入番好好呢!我就系高位唔放,又快去番入貨位...

sketchbook 提到...

Rocky兄,「st.sddr」這個稱呼也不錯,@@!!
哈哈,說笑,都是喚山哥順口^^
今天跌幅在預期之內,大部份股票離心儀價位仍有距離,暫時都是眼看手勿動。

匿名 提到...

book兄,沒估錯的話,奇兄所指的神是J兄呀,J神。

Do寶爸 提到...

zeta兄過譽啦...今日其實仲有一單失敗買賣, 太肉酸不敢公諸山洞, 如有興趣請參考小弟今日的博文..

Do寶爸 提到...

#1728再度急跌...

平常心 提到...

洞人兄可唔可以分享一下對紫微斗數有咩體會?

匿名 提到...

#1828威威, 唔聲唔聲, 好似變咗汽車經銷商龍頭咁款!

正通仔呢幾日古靈精怪, 嚇到人鼻哥窿都冇肉, 啲大行分析員除摩通之外都失咗聲, 啱啱先睇倒工銀國際話要buy單簡訊, 今日都算彈番啲, 吸納買盤多咗......仲係抱住隻股冇放到, 正如洞人哥仔咁話, 呢隻股至依家唯一搞唔透就係管理層底細, 好容易畀個別大行玩到抽筋.

同寶爸哥一條路, 小弟噙日10.12加咗啲, 今日10.54再加多啲.


----龍

Do寶爸 提到...

龍兄, 正通真係難玩, 暫時放埋一邊..
#1828今日升得靚, 抵讚!
#2333昨日$10無加注, 今早上到$10.6...只能輕嘆!

Jay 提到...

炒股回報不如「投資入餐肉」?

匿名 提到...

今日#2333 #1728 沽空都好鬼勁,大家要睇緊d,另外#1828今日沽空都多咗...

Jazzf 提到...

我覺得有時沽空放大唔一定係壞事,因為沽空盤唔可以係主動沽盤,即係沽空盤的對家都係主動買盤掃上的,所以沽空放大我覺得只能反映有大戶莊家對賭中。

Rocky 提到...

又宣傳下先,離場感言一文稍稍更新了(終於肯更新了。。。我真懶。。。)

匿名 提到...

#1728真係弱到無朋友,無端端唔知咩事又跌5%,無眼睇

chanel 提到...

山頂洞人:
你會5會短炒1728,而家值搏率高嗎? thx!!

danny136036@gmail.com 提到...

小弟最近觀察分析,有点吹水愚見

1728--較適合進取及能承受短期波动上落壓力者持有.
每天要緊握扶手,容易震走.睇到位短炒即日鮮,夠刺激.現階殷給有心人舞高弄低.叧你持有得唔舒服.但生意前境看好有得做既話.風浪過後可能有意想不到的回報.(風險高回報高的道理.
但亦要小心近日愈壓愈底( 散水/收貨)
試低位中????要待觀察........
有信心就趁大跌時入小小試水.相信佢唔會
若Close down.

1828----
穏歩上揚,較適合穩陣者持有,持有瞓得安樂

danny136036@gmail.com 提到...

近日注意到1157 中聯重科慢慢向北走
相信在$12蚊边上下收集到的話.有錢途...

在反彈的大市....短線到$13元可見.
還有機械,ipo股上市亦可借機炒一轉.

danny136036@gmail.com 提到...

小心的水泥股板塊

看來短期大勢已去,龍頭代表,二日都到某位就冇力彈上,日向南走,有君也体相逢之勢.

不是撈底之選..小心為上.

pisces 提到...

同意danny 的看法:
“1728--較適合進取及能承受短期波动上落壓力者持有.”

目前1728沒有公開出來的壞消息。1728的波幅會很適合day-trade (如果可以看準方向的話) ,再則就是中線持有的心態收入不要過於受day-to-day price 影響,不過要注意觀察有無新/壞消息出來。- m2c

匿名 提到...

非常同意Danny哥同Pisces哥0既睇法. 仲有, 各位大大有冇留意倒, 最近洞人哥仔講得比較多0既#1828, #1728, #2333, 同埋#538, 都有大把巴克萊0既手影!!!


----龍

chanel 提到...

各位早晨
多謝兩位前輩的意思,又學到野啦!^0^

pisces 提到...

morning everyone.

today's news:
----
摩根大通   正通(01728)  +378萬股(佔0.17%)  最新持股量5.13%
----

other than cars. How about drinks ?
886, anyone ?

匿名 提到...

pisces哥, 之前小弟同洞人哥仔都搵過啲銀基資料, 見倒酒業代理有唔少"貓膩", 本身又係民企, 所以唔敢掂. 不過睇番管理層呢排連番增持, 可能利好股價......


----龍

匿名 提到...

補充pisces哥, 小弟懷疑摩通係用巴克萊買賣. 摩通唔單止增持咗正通, 原來都增持埋#2333! 遲啲唔知會唔會申報埋增持咗#1828同#538.....

----龍

danny136036@gmail.com 提到...

不用客氣,我也是來山洞學習.
分享個人的實戰心得而矣..

今早按策略短食 1728 部份
加注 1157 希望向目標進發.>>>>

若大市相就,先向上破10天線$12.8>>>20天線>>>更利好
步步為營待跟進......

愚見....
三一重工,徐工機械遲早會來分一杯...
趁未重新評估,有利港人熟識的1157.

1157 近期底位$11.64,現走勢反覆向上走,
若大市就會更快逹標...(先看$13-14).

chanel 提到...

Danny
5知系5系有大戶入貨呢?波副咁大!

danny136036@gmail.com 提到...

Chanel

若怕風險
小注試試不防

愈近$12边直博愈高,
再下跌有限...

今日星期五,大多無心曖戰...
可睇多陣收市前偷雞選位才入......

Good Luck

chanel 提到...

Danny
多謝你的提點!Thx^0^

chanel 提到...

Danny
$9買入1728,你有貨嗎?
中國汽車工業協會公布,內地8月份乘用車銷量109.52萬輛,按年增長7.3%,按月增長8.24%。汽車股普遍上升,華晨(01114)現報9.08元,升5.34%;長汽(02333)現報11.14元,升3.92%;比亞迪(01211)現報15.78元,升1.41%;東風(00489)現報12.4元,升1.14%;吉汽(00175)現報2.16元,升0.93%。

chanel 提到...

Danny
有影子股慨念
《新股消息》上海寶信擬第四季來港上市

2011-09-09 14:47:52

外電報道,上海寶信擬第四季來港上市,集資5億美元(38.95億元),保薦人包括摩根士丹利及摩根大通。

公司從事內地華晨寶馬授權為BMW經銷商,並於華東地區銷售如奧迪等品牌,提供一條龍式服務。

danny136036@gmail.com 提到...

Chanel
1728,1828 長短貨都有持有.
反彈高位減持,大跌時入的......

下星期相信又係血腥的一週.
911.又添加了美市驚慌指數

個市陰乾式的續板塊洗白白
反覆整固人心惶惶成交薄弱
入市心態多是短炒一族居多
向上蟹貨重重做成一彈就散
現況多持現金比例較為安心

博反彈亦要天時地理的配合
個市變臉太快短炒潻加難度
有得食要快食保持反撀子彈
免得過小点出出入入為上策

中長線入平貨機會多的是
靜觀其變平常心處之
做好思想準備勿自亂
多做多錯要多做功課
耐心等候大出血來臨
時機到時勇進莫遲疑

共勉

匿名 提到...

Danny哥,小弟對#1157都有興趣. 之前洞人哥仔話謝國忠超級老大都對佢刮目, 應該冇甩拖, travers哥應該係審慎之人都冇彈佢, 依家連Danny哥都覺得正, 小弟冇理由放過.

下星期一恒指向萬九點下行, #1157好大機會破$11.5, 小弟諗住11.5入一注, 11蚊入第二注, 實行好似#1828, #2333咁, 抱一抱.

依家唔係斗勇0既時候, 小弟學洞人哥仔, 留三四成靚股壓袋, 用兩至三成現金玩快身閃......

----龍

Jazzf 提到...

1157@12蚊樓下真係可以諗諗,不過收市價穿11.6一定止蝕,原因係半新股+上市後突然盈利大爆升及估值很高,如全年業績轉差下跌空間無限 =[

danny136036@gmail.com 提到...

龍兄來助慶
大雨出山洞
摸石頭過河
夜半臨深池
入虎穴取子
分注策可取
奇兵貴神速
神龍闖金關
想做就去做
瀟灑走一回

山頂洞人 提到...

龍兄說,我再不露面的話恐怕會被視作失蹤人口了。

過去一個星期,真是忙得要命,也煩得要命,這種日子好久從沒遇到過了,雜事一籮籮,拂不清,理還亂,連看市也沒時間,更沒心情上博聊天了。記得上次海嘯時也曾有過類似的情況,只是這次更糟,讓人提不起勁。到現在還有不少「手尾」要跟要清理,下星期還需要不時「潛水」。


先粗略(見諒!)回應之前Jazzf兄關於神威和長汽的討論。神威的應收賬我並不擔心(這次中績公布期,看到許多企業的應收賬都猛增了,大概跟「水緊」有關,許多企業和客戶都傾向於拖一拖數),也不作造數論,目前股價大概隨大市沉浮,自己手上貨很小,想等天清一點時再伺機加注。長汽,應已推出新款車,未知銷量如何,約半年前我已有點擔心大擴產並不是好時機,不過可能企業藉這次機會多變點身,多提提質素,某程度此時若不進取,也許來日更沒機會吧。到目前為止,本港上市的自有品牌中還是算它表現最出色,基於低廉估值,對在10.5元以下水平吸納,我個人還是蠻有信心的;不過,相當長遠的大趨勢仍然是,自有品牌是很難敵得過進口品牌的,這一點個人時刻戒備着。


#1728,股價「瘋」上「瘋」落,大戶主導。摩通正如龍兄所觀察到(chanel找到的資料也頗有益)的,大概要做車企中的持股大阿哥。相信除了做生意外,它真心看好這個板塊,尤其是中高檔進口車的前景。正通實在不宜一般散戶持股比重過大,始終不是管理層身邊的人,上市也沒多久,對股價的大幅波動不容易把持得住。大昌行值得持有得多一點。


平常心兄,我對紫微斗數絕對外行。我曾碰到過一個年紀相約的女子,她就比我精得多,究其原因,她聰明,更重要的是,她有許多朋友跟她切磋,習得的心得可以相差很遠。我發現完全靠幾本書(哪怕是很好的書)自學,是很難進入箇中堂奧的。我多年前,止步於對個人命格的一些理解,已沒再深究——一向,我是求知自己的命而已,因此,走不遠。另外反而《諸葛神數》有段時間常玩,真是「仲靈過鬼」,根本不用找黃大仙車公,不過有時也會不得要領,「玩死人」。


#1157聽聞是好東西(對謝國忠的眼界,至今仍然甚具信心,他是極佳的宏觀經濟分析良師,沒想到居然會對個股有看法),若見11.5元以下,我也有興趣。另外,味千回到10元左右水平,我也有興趣加注。#999和#709,希望可以跌穿6元。#590被《蘋果》唱淡,等35元,但不敢大注。水泥股被大幅洗倉,我懷疑會否有點過度,現價普遍貼現水泥價格可見未來大幅沉降,現價可能隨便一隻,也在相當悲觀的預期下顯得不昂貴,不過負債沉重是硬傷,也是我當初關注水泥股時特別關注的一面,投資者或可在過去五六年的股價運行走勢中找到一些啟示……


這一波的環球經濟和金融危機看來不見得比上次弱。上一次是忽然性down機,金融市場一時下陷極深,這次延綿不斷的心理折磨,總讓人覺得這個世界正在半死不活之中……

匿名 提到...

有摩通, 主要股東同埋洞人哥仔, Danny哥仔護航, 隻正通仔當個市冇到!! 咭咭!!

10.54撈些少長汽仔.

---龍

山頂洞人 提到...

龍兄勇呀!

恒指除公用股和中移動等個別股份外,邁進小中熊境界,大部分中小型股則邁進中大熊境界。

投機性買入#1813(@4.01)、#1109(@10.98;此價位好像已等了兩年以上,一直希望它跌近10元區,打算10元以下再入一注;按理,以其央企地位和現有規模,不該僅值六七百億市值)、#398(@4.85)、#3323(@9.39),回補一點#2333(@10.58)。


#189不幸跌近個人半年前擔心的中熊區間!又一場好戲!

希望六福多跌一點。

匿名 提到...

洞人兄會唔會想加注#1828 or #1728 呀?

chanel 提到...

祝各位:
中秋節快樂,人月兩團圓!
曰曰有錢搵,年年有錢剩!

山頂洞人 提到...

Hi, chanel,「大家咁話」,望各位熊掌與牛腩皆得!

匿名兄,兩者跌幅不算大,而佔個人倉位又不算小,暫時把注碼投放到其他低殘股。

匿名 提到...

好! 大家熊市都冇有怕!

哥仔終於番趙倒潤置仔. 要等到中秋節喱啲好日子先正入到第一注, 咭咭咭!!! 呢隻嘢單係收租物業都可能值四五百億銀, 加埋聽講成日畀人妒忌可以低息借錢, 都唔使驚得去邊.

內房哥仔都冇講咗好耐. 睇個款又可能畀你講中, 今年年底大陸個房市步入拐點! 啲內房股已經提前成年收皮, 收到依家, 小弟都開始眼大大盯緊. 記唔得差唔多成年有多之前有個叫'李老祖'0既仁兄喺亞米亞耀武揚威話死都要抱實#272, #123, 仲批評哥仔太早沽內房唔識貨, 依家呢位仁兄已經被證明......咭咭咭!!

真係好戲連場!

----龍

Do寶爸 提到...

今早無暇觀市,開市前設$11.5買入#1157,午市前成功買入,不料下午繼續下跌。年初曾跟此股交手但戰績麻麻,希望今次不會重蹈覆轍吧!

sketchbook 提到...

山哥&各位大大good afternoon ^^

個市几日冇睇, 都係chok 上chok落, 但固中絻大多數的個股變化之大已經超過8月跌穿18868的那一刻, 故而危機迫近的感覺有增冇減.

@@!!!剛才爬完文, 僅有一隻1157能說几句, 始終混了多年國內論壇, 當中特別也是唯一這類機械設備版, 有些少心得, 1157, 及未來的三一重工這兩隻股票, 是值得長期持有的, 無他, 龍工上市後的發展模式, 完完全全可以套入這兩支股票:
1, 盈利稳定增長
2, 分紅股
3, 重複1&2
------------------
肯捱3,5年, 回頭望望, 股數多了, 股價也會站得稳, 換言之, 賺了股價又多了股數, 比起2628, 939這類常被大戶操縱的所謂''優質''股, 1157, 三一重工等更是值得我等小散長期持.
----------------------
^^不負責任地留個預言, 這個危機過后, 1157, 三一重工會是站得翻起身的首批企業.

3339及631次選@@
------------------------
暫時來看, 好多股票跌到今時今日的地步, 不是現價沒有吸引力, 而是我作為一個心內有''熊市乜股都''死的陰影的小散, 餚底=.=b

匿名 提到...

今日真係中秋節"快落"呀...唉

山頂洞人 提到...

謝travers兄關於#1157的意見。

恒指重挫八百多點,搞出個黑色中秋節。

最審慎的投資者大多離場觀望,等風過,徹底持現金是一個尚佳的選擇。在下也是五成五持貨,等待更烈的颱風到。很明顯大多中小型股已經進入中大型熊市之中,這次環球債務和衰退危機確足以導致猛烈的大型股災。未知目前是進入最後階段,還是連綿急瀉的中途站。目前持股需要耐性和紀律,下注了,就不要太驚慌,若自估承受不了大驚嚇,離場是上上策,寧願在他朝扭頭大升之際少賺一點。不過暴瀉到底,各股也有參差,這裏需要運氣和眼力。

山頂洞人 提到...

龍兄,我差點忘了是哪個老祖了。^-^ 不過好像那時我是祝他好運。內房股在頗久之前已悄然步進熊市,現在實體房市才依稀開始迎接大風浪;對國內房市,一直跟謝國忠的看法很貼近,只是對比之下,我或已不算太悲觀。我入的潤置和合景也僅是第一注試水,準備更低價入第二注(譬如再跌約一成後),今天看中海和保利香港等真是如瀑布直瀉。多留一點現金,始終心境較舒暢。

danny136036@gmail.com 提到...

洞人兄回來壓陣,可喜.

今日見熱門股大多越跌越有
沽压比想像中恐怖.不敢衝入
1157真太不像話預早樂觀咗
但會候位加注作中期性入市

看來大多散戶亦在反彈市時入了不少貨.
有些是大注入貨市回冇走被套但又不急於出貨.資金被套便加倍小心了
加上外圍市不明朗,到19000边都不敢冒進撈貨了..成交少,冇動力這樣市難升吧.

在下降軌的昔日優質股多的是,陰乾式下跌,
何處是低位呢?
現況隨時城門失火,頗難觸摸.短炒難度加大.
彈散市出入難覓食.停一悙,想一想.

唯有做做忍者,多持点現金,先冷靜觀望
直到配合時間及指數水位再入市較為安心.

忍耐...忍耐.

Jay 提到...

巴佬名句,知易行難,小弟亦是,只能持CASH,低位換馬,望減傷勢。順祝中秋節快樂。

Pi - 菲翔 提到...

各位中秋節快樂~

今天 search 到了篇三江化工的實地調研簡報 (不好意思又是三江):

http://blog.sina.com.cn/s/blog_714ffdf00102dszw.html

裡面最亮眼的應該是「目前该技术(甲醇制乙烯)在大股东手里,公司计划在今年收购该技术,作价不超过1亿。该工程2012年开始建设,2014年投产,资本开支为24亿人民币。」

看起來似乎是很大機會會成事,這樣三江就不用再受外圍乙烯價格,收入來源也不再局限於環氧乙烷,對公司利潤應有很大幫助。而且目標是14年投產,比想像中還要快啊。

山頂洞人 提到...

原怕今晚看不到月,不想圓月高掛,且夜涼如水。股市「快落」,大自然倒算給人添加了一點愉悅。

歐股自七月底以來每下愈況,美股也有人推測或尚有兩成跌幅。

大市似逐步予人以「絕望」的感覺,反過來也可說投資者經過個多月的心理遲疑和掙扎後,轉趨絕望吧。

寶爸兄,Danny兄,個人尾市也撈了第一注#1157@$11.3。今天買入撈入的,都沒有心理準備可以隨時或快速反彈(不再多跌一成已經滿意^-^)。#1157目前打的並不算是順境「波」,整體經濟的收縮很自然會對這類機械股造成經營壓力……

個人暫時對可見未來最悲觀的預期是普遍股份再下挫兩成多……未來依然會按心中的安排,逢低逐步加注,適時遇高減持。

多種行當逐步向投資者展示陰暗面或不確定性。諸種板塊,暫時似以零售股受的壓力不算大(經濟持續滑坡則肯定會)。另外,今天再跟個別國內親友聊閒天,依然對中高檔進口車市持樂觀態度;要買保時捷的卡宴,居然平均要「排隊」一年半!所以撇開管治風險不論,正通和大昌行是逢低吸納的佳選,中升現價或也不錯。

山頂洞人 提到...

Jay兄所言甚是,要壓治心中的驚懼之魔,不容易。

Pi兄,三江公布中期業績後,如個人預期輕微跑贏大市,算有點交代。環氧價在眾多商品的價格轉弱甚至大幅下挫之際,居然在過去一個月緩漲,足以支撐其低廉股價有餘。所以已有貨的話值得持有收息「等運到」。^-^

danny136036@gmail.com 提到...

p陰謀論??
弱市對影子股不利??

若1157是真材實料 ,今回在心理位失手跟大市再深調探底反覺有利.

1.同行如敵國,呀蘭嫁呀瑞,趁機質一質.對手來上市.招股價及投入度便有所斟酌.
2.要注要大戶有冇減持1157準備資金投入新上市對手
3.計計新對手估值各樣是否比1157有大折讓.
若不外如是遟早走出的資金會回流到1157.
4.有心人這回合趁機震走信心不足者(大戶越買越平,越賣越貴).收夠貨后再大合唱好高位再派貨巡迴一週再玩過.

第三點有勞山洞兄各精於估值高手推敲..

時間會證明是否嫁錯郎....哈哈.

By the way 道指又死唔去,短市又不能看得太淡.星期一有機又殺一殺淡.短線左右做人難.分分鐘是它朝君体也相逄格局.

Pi - 菲翔 提到...

感謝山兄的回覆。在現下的市況實在對三江股價沒有太大憧憬,價格回升感覺上也只是把半年的跌幅回補了一下。將來三江還有大量環氧乙烷產能的投放,價格未必能再上升至以前的高峰水平(但相對的乙烯也因為中東產能增加也未必能大升)。

我比較期待三江今年下半年產能大升下,只要產量維持在100%下,純利應該可以提升不少,只是這要待明年4月的業績報告出爐才能令股價有支持。

匿名 提到...

今日又玩洗倉...會唔會殺埋18000牛仔先呢


---Simon

匿名 提到...

洞人兄今日會唔會撈返D減價貨呀?

山頂洞人 提到...

今天是昔日強勢股的黑色星期三。早上減持昨天入的大部分貨,剛才用餘下現金的五分之二買入或增持#999、#1728、#1114、#398、#1109、#1813。

「唔會咁邪真係比禽日平均跌多兩成半呀嘛?」^-^

山頂洞人 提到...

三江算比較硬,#712殘中殘,都想入點,無奈暫時未「排」到它們,需要留點彈藥。


#189和#746也跌得很淒涼。

強股中只有數碼通等無視惡市。很多強勢股成為最後收割的對象。

不敢想是否已到底,但強勢股「清一色」持續被「洗」,也許是初步的「好現象」……

恒指最惡劣見萬六?……主調仍然是避險、避險……

Do寶爸 提到...

想加注#2333但又唔落, 前日加左既#1728今日又落近10%....再買入的話比重會太大...有點無奈

山頂洞人 提到...

Simon兄,若港交所跌至$110,我會有興趣買它的認購證^-^

寶爸兄,在#1728上一輪波動中,我把持股降低了,今早再減了一點,剛才才撈回,佔倉近一成權重。#1828比對一年低位還有很大距離,暫時忍手。#2333或因將以進取價在國內上市,居然被「頂」住了。

匿名 提到...

真係嚇到鼻哥窿都冇肉, 咭咭咭! 加多些少華晨同理正通仔先.

----龍

Zeta 提到...

山頂兄,

你的快速轉身,好強!1728,999我都有加碼

龍兄,

比較睇好氣車類股?

匿名 提到...

Zeta哥, Yes, 借洞人哥仔個窗口, 小弟望見進口中高檔車應該仲有得玩, 咭咭咭!! 小弟仲估就算進口車嚟緊呢排都要殺殺價搶銷量, 不過做經銷影響唔會太大啩.

下晝見洞人哥仔殺入, 小弟先敢加多啲. 尾市想獲利, 不過都係剎進掣, 再睇睇.

----龍

山頂洞人 提到...

Zeta兄,#1728經常愛玩「V」型走勢,一天之內有近6.5%臨時帳面利潤。尾市有私事離場沒看,本來設盤$8.48快閃「博懵」獲利,沒到價。看看明天又如何。

龍兄,至年底個人並不太看好東風和吉利、比亞迪。猜想自有品牌的銷量將持續受考驗,而中檔合資車也可能受點影響。惟寶馬算是合資車中的較高檔,而且訂單強勁,所以今天敢撈,猜估明年的市盈率有望降至13倍左右。暫時不覺得進口平治、寶馬、奧迪、路虎、積架、保時捷、賓利等會受顯著影響,若受影響,估計國內的經濟狀況已相當嚴峻。也猜想各種品牌或會割價競銷量。#2333暫時不動,留一些;上月的銷量未知,本月的銷量將能看出不少東西。

Zeta 提到...

山頂兄,

原來你已經訂左1728 止賺位,果然身手快!唔知幾時可以學成LEE招

Zeta 提到...

龍兄,

我都覺得華晨有前途,可惜今日買左其他貨,要KEEP 番D CASH, 睇下後市.

今日隻999 古唔到趺得O甘狠

匿名 提到...

Zeta哥, 依家周街5倍6倍留下今年市盈率, 寶馬呢類股預測市盈率仲係好似16倍(?)咁高, 喺喱啲咁0既市畀人砌都好正常, 咭咭!! 不過借用洞人哥仔0既話, 增長前景好鬼實, 都唔怕坐. 就算瀉到6蚊, 小弟都敢死再撈佢, 咭咭!! 依家咁0既經濟面, 真係樣樣嘢都話唔埋, 六七成股份瀉到阿媽都唔認得, 好簡單, 就係前景灰暗, 一係就睇唔通. 數碼通同埋中移動咁鬼硬淨有原因, 畀人睇死冇事. 小弟覺得華晨都係一樣. 數碼通財務狀況同埋息率都好過華晨好多, 不過小弟寧願買華晨. 小弟驚數碼通嚟緊兩年年複合增長率好難超20%, 有15%已經好勁, 華晨, 斷估唔會低過30%.

----龍

匿名 提到...

I.T今日唔知發咩神經跌左1成,沽空亦大增,尾市走勢甚劣。小心小心。

Tony

山頂洞人 提到...

事忙心雜,忘了回應Danny兄,抱歉!#1157,相信市場會予該股信心,應該是「堅」料。今天中段跌幅不算誇張,收市也大幅窄跌幅。個人星期一已入一注,下一注打算落在10元左右——若見此價的話。

Zeta兄客氣,最近因沒多少時間看市,已經算「閃身」慢。^-^ 相信當下不少股份中長線投資價值明顯,但短線數周(乃至數月?)真是沒譜。慶幸自己今早有那一點點時間(不足十五分鐘)看市時先沽了不少昨天入的股份,下午開市時再返入當中的大部分,「舒服」得多,至少可以阿Q一點。^-^


Tony兄,#999本年度的增長未必很強勁(個人估量在兩至三成之間)。往績市盈率不算低,也許是被沽的「原因」。相反理論,現價反而讓人更安心一點了。但若大市要把絕大部分服裝零售股殺至十倍預測市盈率邊或更低的話,也沒辦法。不知從技術圖表的角度如何看,個人傾向逢低增持。

龍兄,舉腳讚成!數碼通現價不算超昂貴,但非常不便宜,不過息率之高或已足以成為定海神針。

匿名 提到...

洞兄說得也有理,高位回跌不少,反而安全。像早前的大昌行或長汽,走勢不好,以為要跌,但洞兄增持卻拿了底,市場氣氛把握力很強。

要說圖表,自己只是半桶水,但似乎999有點雙頂,且失了周線的上升軌。但同樣超賣得利害。或者是有個基金剛好要不問價走貨也不定。

宏揚七月結報告好像也有I.T,佔4.19%,似乎亦看好。但I.T業務仍以港為主,有點擔心香港這邊2010會否是短期頂...

洞兄感受市場氣氛很強,不知覺得大市開始近底未?

Tony

山頂洞人 提到...

Tony兄,

>>>>或者是有個基金剛好要不問價走貨也不定。<<<<
也持類似看法。

感覺過去一年和未來數年的#999,有點像過去六七年的#589。業務為市場所肯定,每年取得三四成的增長,預測市盈率很少低於15倍。

去年本港之營業額佔比約68%,國內市場約為香港的0.45倍。猜想國內市場和其他市場本年之總營業額有機會上升到佔比36%,盈利中匯兌差額也會再進一步放大。本港的業務增長很可能放緩,因此總盈利或難以上升超過30%。

有一位女性朋友很看好#999,覺得符合青少年口味,就算貴價一點有不乏人買。個人覺得未來一年,#999在$5至$8.5元之間,為合理的波動範圍。

關於市場氣氛,個人還是找不着北。感覺是「未跌完」,但持續超賣後不難見反彈。所以雖覺不少股份已經處於中長線的便宜價,也隨時會把近半持股作短線操作。若天天都買,極有機會短線「中招」,若全持現金觀望,也時不時要忍癮,要有入定的忍耐力。買與不買,持現金比重,如何短中線操作,很視乎個人。

昨晚壞消息落地,歐股帶動美股反彈。今天港股不太可能再瀉了吧。希望昨天入的平均有5%至12%的浮面利潤。

匿名 提到...

洞兄又一次摸了市場氣氛底部,利害!

Tony

匿名 提到...

洞人兄昨天低撈嘅貨今日又可即短食...佩服

---Simon

Zeta 提到...

山頂兄,

今日有無即食呢?

匿名 提到...

巴克萊(摩通?)係咁掃入#1828!! 噙日大昌行仔底位反彈力度弱過正通仔, 今日加油發威!

----龍

Zeta 提到...

999,由升變趺,又比人沽貨?

匿名 提到...

http://hk.apple.nextmedia.com/template/apple/art_main.php?iss_id=20110915&sec_id=15307&subsec_id=15320&art_id=15615154

匿名 提到...

蘋果講啲嘢, 點解咁似小弟講0既, 華晨換成正通, 都係一條路, 咭咭!!

----龍

chanel 提到...

Danny
請問27 ,200你有無留意呀!

danny136036@gmail.com 提到...

賭股我有小注880,做蟹中.

賭業股本來士黃金週可一博
但而家個市太弱,不敢太博.

昔日強勢股現在君体也相逄中,(看看水泥股...)
想買貨現在較危..現時短炒要金精火眼要有山洞兄功力.刀起起落要快否則隋時戰血佂袍.

大市勢向下,我認為耐心等待大出血還未遟.

如果好係穏陣派,留多点精力及子彈在適當時做野較佳...

匿名 提到...

正通當個市冇到, 升到9蚊!!! UBS全日掃上. 反而大昌行仔又磨番.

----龍

Do寶爸 提到...

$9沽出#1728上星期買入的部份, 微利, 等待再度下跌的時機.

#538又回到$10附近, 洞人兄會加注嗎?

#999如果落至$5都有興趣買入

山頂洞人 提到...

各位好!

今天又僅有數個短暫時段看市,也做了一系列行動。

早上沽出潤置(10.38)、合景(3.94)、#3323(9.15;再之前9.42買,9.08沽,8.43買,然後今早),減持一半#398(4.75)

下午減持部分正通(8.8)、華晨(7.9),重新買入合景(3.59)、中建材(8.7)。

山頂洞人 提到...

寶爸兄,

#538,跌穿10元,有興趣。

#999,5元邊,有興趣。

#1728,兩日之間一成多回報,個人感滿意!

Zeta 提到...

山頂兄,

隻999 放左未呢?琴日趺左一成,今日都仲系趺

匿名 提到...

大昌呢兩日都係俾"里昂"不停頂住,唔知佢玩咩

山頂洞人 提到...

Zeta兄,#999,我沒動,佔個人組合比重低於5%,反而想等5元邊再累積。

現在這種市況,個人較敢大注或建較大倉位的是8.5元以下的#1728、9.5元以下的#1828和7.5元以下的華晨和9元以下(若能見的話)的味千。

山頂洞人 提到...

如龍兄一樣,我留意到巴克萊在正通、大昌行、長汽、味千身影明顯(不知為甚麼恰恰也是我個人最留意的數隻焦點股)。今天似是UBS出大力把正通掃上,力量完全無敵;早上是左右手,所以升勢一般,下午似乎接近單邊推進。今早仍然是巴克萊把大昌行掃上的。

大行可能是自己買賣,也可能代客搞,往往難以弄明其背後用心。

山頂洞人 提到...

補充:正通今天的UBS盤,不知是否來自主要股東的。主要股東已連續兩天增持。

Jazzf 提到...

山頂兄,thx~~
據湯森路透旗下IFR報導,長城汽車已為其A股IPO設定目標,建議詢價區間為每股18.27元至22.04元人民幣,市盈率介乎16至19倍。將於本周四(15日)確定發行價區間,16日起申購,20日定價。國泰君安為主承銷商。

若以此價格區間,按發行不超過3.04億股計算,是次集資高達55.54億元至67億元人民幣,為原募資金額1.75倍至2.12倍。

業績弱到咁既比亞迪a股上市都抽獲勁,長城應該都有得借消息上。

請教下3323你會點估值,同埋想問多隻冷門股1045=]

danny136036@gmail.com 提到...

今日唯一安慰是恆指臨尾抽番上19162之上
這個位是Dr.林一鳴常講的牛二底,不能失守.
在今日,即第三日終能浮番上水面.

他的觀点是能守此位牛二就未死,仍然是反彈上落市.如三天都失守便是進入熊市.
當有点譜可作參考吧...信不信由你?

但樂觀点看..9月還會有反彈機會.多貨者可趁機在高的位減持,止賺增加能量,保持大出血時的購買力.

洞兄善於大雨中獵食,今回合又可大增能量了...

今日 1728,2333 也給我一点能量,幫幫失血中的1157.

奇實真的託洞兄鴻福,,跟你身影做攝石人,也在風聲血雨中敢於去捕食你研究開的正通.

下次佢再震,會兵分兩路,打多的巴仙給奇兵在低的位接刀.

今次突撀以為夠低但它狠狠質得更低,食少好多但也心足...哈哈

Zeta 提到...

山洞兄,

聽D FRIEND 講999 D衫好得,貴都有人買.山洞兄睇好,唔通有經常去買野?

隻3323 趺穿9元,都幾有興趣,其實話基建減慢,都唔"應該"趺成咁...睇定D..會買番D

chanel 提到...

Danny
多謝你的意見,27 , 200都有貨,而家蟹緊>_<

sketchbook 提到...

MORNING MORNING ^^
$10.82買入中聯重科
$7.34買入富力地產

sketchbook 提到...

=.= 蟹左~~~~~~~~~~~~~~~~

山頂洞人 提到...

Jazzf兄、Zeta兄,關於#3323,我比較認同高盛前兩天的意見(http://www.aastocks.com/tc/News/HK6/03323/NOW.453270.html),雖然商品房房市面臨較悲景況,而基建也可能慢下來,水泥價格適度下跌可以理解或預期,惟暫時作為支撐國民生產總值的其中一個大主柱,我猜想中央不會讓這根火紅鐵棒冷凍太久,這是思考的其中一個主要基調(若錯,就鑄成大錯^-^)。我並沒給予水泥股詳細的估值分析,因為水泥價格波動,股價過去數年的運行也相當波動,難以看到一些「寄托點」,而且水泥股普遍負債沉重,可見未來借貸成本又不見得低。不過#3323在明年年初(或本年年底)有望可在國內上市,到時將會大幅改善其財務狀況。而且作為一隻板塊中的主要國企,這方面有一定「安全」保證。現價運行於52周底部,若有溢價應該早被削掉,中線向上還是向下,我只是押注向上的機會更大些而已。


Danny兄,有點我也時常追悔為何不在一些股票上狠下重手。^-^ 正通又是一個例子……昨天管理層果然又是令UBS為其增持股份。


Zeta兄,#999反彈力度一般,大概市場果然對今年的增長勢頭有點顧忌。我自己也去過IT的店,覺得OK;不過這一點時常是女性的意見更值得參照。^-^ 服裝始終要貼近和引領潮流才能長賺,至今#999仍能予人信心。

Travers兄,如何看後市?是純粹打打游擊?

山頂洞人 提到...

Jazzf兄,又漏了回應長汽。不妨看看兩則報道:

http://hk.stcn.com/content/2011-09/14/content_3468333.htm

http://www.0536qiche.com/company/81/newsv/3769.html

國內的詢價程序已經完成。折合港幣約15、16元,大概恰恰算是審慎樂觀的合理價。

另外,原來建銀前幾天寫了一份關於正通的報告,它推想正通明年的盈利狀況跟我個人模糊的猜度接近:

http://www.ccbintl.com/chi/download.aspx?category_id=6

中汽南方由於本年年底才算併入正通,所以今年的市盈率還是頗高的,但明年則有望降至約10倍、11倍左右。

山頂洞人 提到...

另外,兩隻「弱過藥煲」的藥股#2877和#3933,前者李振江近日不斷買呀買,後者蔡老闆繼續增持呀增持。

#538,有匯豐證券在上下其手。

Jazzf 提到...

山頂兄,神威連續幾日主動買盤都好勁啊,大手的佔全日都>70%,我得半注坐左好多日既十蚊雞貨,想係9.6買等左幾日都唔得。

另外藥煲羅欣8058你點睇?!之前中期業績時炒過一次,估佢全年每股盈利估0.89。

山頂洞人 提到...

Jazzf兄,神威我原留下一點點約10.4元左右買的貨,剛才10.28增了點。李振江是一位個人較佩服的上市老總。

#8058,時不時關注,僅曾試水式買賣過,一直對其低息率(或接近無息)和業務及報表方面的神秘作風存疑慮。但上市已多年都沒「出事」或「爆」出甚麼東西,可能安全,可能是我自己太多疑了。通常這隻股在業績公布前後會爆一爆,不知今年又如何……

Jay 提到...

各位講嘅1828、正通、長汽、999同華晨,我一句都搭唔到,皆因自己對佢地嘅認識真係得表面個浸。

不過講神威同羅欣,我都可以搭兩下咀嘅:
1. 神威嘅支出控制好強,係減價潮中,毛利居然仲可以升,呢點已經要比個溢價佢。
2. 至於羅欣,小弟之前都持有過(蝕~10%),賣出原因係佢上年三季報同年報都顯示出佢支出結構唔同,但詳細原因就無講到明,只係話落多左廣告。係咁嘅情況下,唯有沽出望望先,幸好避過之後嘅大跌。

而家睇緊另一隻四環,唔知山兄有咩啟示?

Jazzf 提到...

神威其實真係唔錯架,佢地管理層回答問題都係即時,最多兩日(除左上年9月-今年3月果段時間),另外寄左個自己記錄的神威營業分怖excel去你e-mail,你可參考下=]

山頂洞人 提到...

Jay兄,過去個人留意較多的藥股按精力投放排序(^-^)是#2877、#3933、#1177、#2348和#8058。對半新股#460也處於很表面的理解層面,惟覺得諸方數據不錯,也曾買過(惜因大市和藥股氣氛不濟,微蝕離場),估量會是一家不錯的藥企,現價預測市盈率或約16倍。德銀之前「率先」能看出聯邦面臨的困境,又頗用力推介四環,同時一般大行也對它看好(一般多家大行都看好的話,個人寧願相信沒有「陰謀」),這一點或也值得參考。


本想等神威在弱市下再弱一點才增持,不想李老總已經不打算予人機會,只好此時再儲貨。另外不寄望短線就「割禾青」的還包括剛才收市前才買回的#912(@$1.85)。

sketchbook 提到...

山哥, 1157有少少想儲貨的打算, 這次用了不過2%的資金, 買了4000股而已, 但結果都會看情況而定, 如個有時個心feel到有啲嘢唔多對路, 都會止賺或止蝕, 就似上次3339一樣.

10月3及10月6日三一重工及徐工正式掛牌,希望1157可以堅持到那一天之前都不用走佬....

富力純粹見跌得殘了, 伸手去玩玩火, 本來打算連埋688既, 但見佢最近沽空大增, 玩唔過^^

唔計買了這2隻, 暫時都算是吉倉吧, 睇唔透, 退后一步當旁觀者算了=.=

sketchbook 提到...

羅欣有一個信心的q mark 保證, 多年前已經過到林少陽那關

匿名 提到...

travers哥吉倉, 真係好小心, 個市未算好明朗.

不過好多企業老總已經忍唔住, 神威係咁, 隻正通仔叫UBS咁玩法, 連續幾日喺買方一路殺上, 真係好少見, 老總個意志真係好堅定: 同我掃, 咁平, 掃曬啲蟹貨!!!

----龍

匿名 提到...

今日隻正通仔好鬼勁呀

匿名 提到...

travers哥, 話時話, 我覺得由林少陽加洞人哥仔去羅欣企業現場視察幾個鐘, 同老闆爹幾句, 最好去埋佢屋企視察下環境, 兩位大佬簽字話"得", 小弟都會趙羅欣. 咭咭!!

sketchbook 提到...

999前几天大成交大陰燭跌穿sma 250, 參考近6月至今數次的表現, 股價往往去到sma 250會獲得支持並有一個近2成的反彈, 這一次是完完整整失守, 對於TA派來說, 是一個明顯要離場的訊號, 這個同2128在今年5月中時的那支一成多的大陰燭意義相同, 那時我有些同事都搏反彈買了后同我講唔買冇機會6個幾買得番, 我都拒絕左, 因為經驗上覺得, 已經傷了元氣, 那個時候介入是很危險的....

結果不用多說~

sketchbook 提到...

我由笑聱已經估到是龍兄了:P, 呵呵~~~
我睇東尼伯伯既文章大既, 對於佢既得意門生也當然有相當信心, 至於山哥, 咭咭, 唔使等山哥山長水遠巡廠話我地知得唔得先買, 如果山哥肯開一個由3萬炒到100萬既倉, 只要做夠30單, 每單賺10%, 甘大家下半生無憂了, 對山哥而言, 10%, 真係拾豆甘拾~~~ :P

山頂洞人 提到...

travers兄謬讚!

林少陽兄僅在去年年底至今年年初推股有點「甩轆」,但在下在亞米亞請他「洗把臉」後又精神煥發(^-^)。至今,他依然是很值得信賴的市場分析員。有時選股真要選「心水」,因為羅欣過去的業績像「設計」出來一樣美,加上派息太吝嗇,且報表對各項藥品的披露跟神威和聯邦的透明度相差極遠,我才存戒心;不過我相信林少陽兄應該是花了不少精力來審度和分析這隻股票的。

#999今天的反彈力度讓人失望。放大點看,在避險意識和憂慮經濟前景之下,可能跟整體市場調降本港的零售股的估值有關,#590、#398等也不濟。我手上的貨雖很少,不過這幾天該股已經把來自正通和華晨的帳面浮盈吞掉了差不過四分之一,不爽。不過,理解大市的不濟和增長力度放緩的憂慮,基於其定位仍佳,暫時仍願意坐坐貨,極可能5元邊再下大一點注。

sketchbook 提到...

山哥, 用EMA 250 APPLY 繪999個TA圖, 大約可以估計到出現什麼問題

雖然我宏觀, 選股既功力同山哥冇得比, 不過TA上也下過些苦功, 有些許心得@@!!!! 對於這類昔日當炒股莊家股而言, TA往往有一個預警的作用, 遠的有2398, 2618, 2678,3933, 2877, 近的有116 590 3323, 200, 27, 880, 2128, 868等, 更不用說330, 494,1121之類, 先是股價下跌, 其一再有消息揚出, ((個別特殊例子是886及315不死神股)) 但總括而言, 中地雷的機會很高, 所以要小心為上

sketchbook 提到...

市先股都要跌, 收市前會斬掉1157~

山頂洞人 提到...

謝travers兄分析!

確實有許多股票的價格先行於後出消息乃至於後出的業績,背後牽涉到深黯行業者、內行人的及時看淡或看好。

關於#999,真要「落場」看看是否消費意欲驟降了,還是純粹因為高於歷史平均估值而在避險意識籠罩下被人拋,也可能是一眾股票都倒下了,處於殘價水平,而本來不算貴的都顯得「貴」了。佔倉低於5%權重的股份股價沉降一兩成尚可以忍受,關鍵是是否基本因素改變了。暫時再等等。

山頂洞人 提到...

很巧,原來摩通昨天已經回答了我的問題:

>>>>

《大行報告》摩通籲投資者藉疲弱「買入」I.T<00999.HK>
2011-09-15 10:31:10

摩根大通表示,I.T<00999.HK>昨日股價挫一成,成交大增。檢查公司情況後,相信沒有具體消息引發拋售。而最新營運狀況也顯示在10月的中績業務有正面增長。現價分別相當於2012及13年市盈率13倍及10倍,估計今年經常性盈利增長37%,其後2年年複合增長率25%。對I.T的結構性增長維持信心,建議投資者在股價疲弱時買入,評級維持「增持」。(ka/a)

<<<<

摩通對本年度的盈利增長比我樂觀一點,往後的模糊差近。

chanel 提到...
作者已經移除這則留言。
sketchbook 提到...

999以前行的路線是潮, 現當然也是這個方向, 不過在店面裝潢及產品方面慢慢改變風格, 事緣近來行過IT的几間新店, 發現眼前一亮, 可能想致力脫離固有的, 即現時包浩斯的那類格局, 走向思捷那種等再高一檔, 集合潮與高級FUSION的那個層次.

不過我多數是行過逛逛, 幫親次數甘多年來1隻手都數得晒=.=

今早追的1157, 下午發現中伏, 本意決定如果跌的話會斬, 殊不知收市前微升, 所以暫時HOLD住, 2777也是近乎買入價浮沉, 嘔血~~~

山哥不妨考慮我個3萬元基金建議^^正話仔細計過, 不計手續費, 利疊利上, 每單10%, 做夠36單就1M, ^^!!!! 呵呵~~~~~~

Zeta 提到...

999 最後先黎個反彈,古佢唔到
2333 走勢好似唔錯,希望借A股上市,游到十二元位置啦

山頂洞人 提到...

travers兄、Zeta兄,對IT我個人是近半年才留意。過去曾因個別管理層原因把它看扁,結果變了隻神奇爆升股。曾住過愉景灣一段時日,不時去東薈城吃喝購物,IT一減價,就看到「輪住隊」有人買。最近某位女性朋友也曾提到對#999有興趣,因為看到不少青少年願意買它的衣服(就算過千元也不是問題「咁話」),多品牌,較「潮」,她認為生意模式「正」,所以問我該不該買。前不久她也跟我談到味千,跟我想法差近。街頭智慧很值得重視,個人也常循這個途徑來選股。至今沒感覺#999變質,他朝若嗅到當年思捷的味道,倒要大大的留神。

#2333氣勢真不錯。


許多股份都會有其轉差的日子,或者管理層反應慢或決策錯誤,或者行業忽然遇到並不短期的逆風,或者無力應付成本上漲等等,有時無論做多少資料調研,做到比專家還要專也是徒勞,企業飛不起來也。有些企業則玩「順」了勢就如日中升,譬如04至07年國內的內房、兩年來的六福、年多以來的數碼通和目前在國內賣奢侈品(如中高檔進口車)的經銷商,整個世界就是要送錢給它們。許多時,直覺到「正斗」、價不貴就「去馬」,收獲反而順順當當……


travers兄提到的三萬倉,先謝過。過去閒人兄也曾建議搞個倉,譬如一百萬甚麼的,可吸引(^-^)更多網友觀看,讓人對某些東西知認得更清楚。我倒覺得有點困難(個人搞自己的封閉組合是另一回事,每年才需要一次性地向權益人交代)。光是需要適時及時披露,如果組合股多,玩如近幾個月的快身閃,就要忙個不亦樂乎(我很佩服某些博客的勤懇),披露遲了,可能會有人說「做假數」,若不能及時披露,就大大削弱公開開倉的意義。若由數萬元起倉,就失去許多「彈性」,平時投資是整個組合地來看,極少極少玩一注獨贏,況且再強的選股人,也有「發夢」的時候,我自己就曾經在去年九月至年底造了幾個月的夢,不但沒賺到甚麼,還把前大半年賺得的五六成利潤削掉了一截,如此,一定會令所有「觀者」(包括自己)失望的。現在,我僅對個別自己的親友每年交代一次,在博客內「自由披露」,會少壓力一點^-^。

回想覺得不需要東尼的「指引」的八九年前,大市沒這麼波動,近兩三年則是貓跳雞飛,所以逼迫在下常玩《死神》中朽木白哉的「瞬移」,其實光玩一注可以發到變肥仔,也可能一鋪清袋。^-^ 譬如今年年初很看好#3800、#712、#2198,但行業一不就,股價就一瀉千里,單玩一注,可以虧掉不少谷種,要玩十幾次正通才能「補數」^-^。自己今年投資最「失落」的時期就是以上三股參差暴瀉之日,還有像聯邦等的不濟(雖然以上四股都玩了多次高沽低買),其他很多選股都能在高位或近高位走掉,甚至可以在高位也好低位也好大玩衝浪花式^-^。

所以先謝travers兄的美意,其實像你和許多在這裏留言的高手都可以堂堂正正面對任何投資者,瀟灑展露自己的一套,在下時常都對於你們的意見和指點心存感激!

若說我現在最想具體做的事,倒是儘快清清心神,考個經紀牌。一個人就算到時不拉客戶,光搞自己管理的組合,日日「瞬移」,每次瞬移都取點傭金不給ebanking,極可能已經夠兩餐溫飽而不用「片薄」自己的投資所得。^-^ 話說有沒有網友可以轉介在下到經紀行幹(我仍沒牌照)?^-^ 年前林少陽兄說他的公司沒空缺予在下。^-^

danny136036@gmail.com 提到...

山洞兄的回應真快..

做個無牌代表也不错
有牌發表就會顧忌多
偶有失手壓力自然來
慕名來者心態各不同
山洞到時難得安寜了
自由發揮更股樂無窮....哈哈.

By the way ,隻315 數碼通真係強到冇朋友,曾持有可惜畏高早已分手.
但總覺位高勢危,怕一轉勢或大把水位被無情的要錢唔要貨的沽壓來臨.

今年自己的打法亦隨時勢改變了,隻股点強点優質定為中長線之選吧!一到咁上下就要食的糊...短跑也做多了,真是無奈.

今星期"chock" 上 "chock 落
風聲鶴唳,做好做淡也不易為...

Jazzf 提到...

山頂兄,

其實我都準備下月考牌入行,一黎可派派卡片等阿媽唔使同人地講自己個仔炒股,兩黎可以減低成本,三黎幫自己班戰友同師傅落埋盤已有些少客源,就算不能做到開源亦能節流,我自己係靠朋友介紹的,但聽聞做AE無底薪果種應該有牌就請(加上你自己就已經係大客la..haha),所以應該唔係難事,再加上你既資歷應該間間都會請啦~~ =]

山頂洞人 提到...

Jazzf兄,

>>>>一黎可派派卡片等阿媽唔使同人地講自己個仔炒股,兩黎可以減低成本,三黎幫自己班戰友同師傅落埋盤已有些少客源,就算不能做到開源亦能節流<<<<

同感!然則Jazzf目前己經在經紀行工作?我或要到下月新請的保姆到家履新後才較有空閒「讀書」「考牌」,不知到時用30至40天時間能否搞得定(查知可供報考的試是頗頻密的);去年年底時已有此念頭,無奈中途又事忙,無閒心耐性。Jazzf兄若考齊四個牌(?),不妨「單聲」,交流交流,相信到時有許多值得向你學習請教的地方。

山頂洞人 提到...

Danny兄,近一個月大市都瘋癲跌宕,國內經濟沒被官方視作硬着陸,實質許多企業和行當的前景近四五個月在銀根抽緊的背景下已出現逆轉或陰霾密佈,加上外圍市況如此,港股又承接傳統做國際提款機,做小股民內心真是「涼浸浸」。

上次隨travers兄買過微量熊證後已經先作罷,外圍變化非一般股民所能輕易預測。或僅敢到某朝末日意緒猛烈提升時,找港交所或恒指的認購證玩玩……

isvzaen 提到...

年頭至今仲蝕緊4%
仲持有6, 1038, 823, 709, 及 5, 2628 的熊仔。

其實咁樣既持股又可能太保守了, 好似昨天的大市升1.5%, 我要輸 1%....

isvzaen 提到...

幾位師兄, 對2628同5既TA有咩睇法呢?

匿名 提到...

洞人兄,想問吓你好耐之前提及過的#1997,你宜家對佢有咩睇法呢?將來出ipad3 對佢有無幫助?我見佢市盈率/預期市盈率 6.391/1.241

Jazzf 提到...

山頂兄,我係讀書時已認識現時師傅,就年頭畢業後回港,後來成日跟而家師傅(非行內人)學野,一路既工作就係靠炒賣,初初阿媽都唔係太鐘意,不過見我又有興趣又比到家用後都無咩意見,到復活節時就有個機會去trip識左幾個行內人,有一日佢地問我點解唔做經紀,跟過討論我而家個情況同去佢地間行睇過後,覺得除左同你講果幾個point外重可以識多點人收多點風見識多點,百利而無"乜"害,我師傅同朋友都吹過我幾次快d考埋佢,不過我都係懶加埋花大量時間認識洐生工具,心思只放在搵多d$$,所以拖下拖下就拖而家,直至我朋友給我這些資料:

考試詳情
從事股票買賣的要考卷1、7及8(第一類牌照)
從事期貨交易的要考卷1、7及9(第二類牌照)
但如果你有大學或以上的學位,而主修的有最少兩科是和金融、會計或經濟相關,那麼便可以獲豁免應考卷7、8及9,所以卷1基本上是必考的。如果沒有學位,便要應考全部相應的試卷。

發現只需考份卷一就可以,咁就拿拿聲報考卷一迫自己快點完成,我報考前聽佢地講要花好長時間溫習,加上hksi需要你報考後先供下載考試手冊,所以我就報一個半月後(幾乎每日都可考),但由業績期結束後,我開始每日花2-3個小時左右溫習,現時已經溫完覺得應該ok,所以我估就算1,7,8,9考晒,如有人幫你照顧個B,你每日花4-6個鐘,30-40日應該搞得掂卦(你應先問問hksi你的BA有冇得豁免),聽佢地講下月如合格計埋申請豁免的時間,應該聖誕節前後先正式上班。

其實我好多野都係聽朋友講返黎,自己對申請過程都唔係太情楚,覺得你問完後可一心考埋個試再慢慢搞搵證券行果d野,因為考完後有兩年時間搵,我諗船頭橋頭自然直。 =]

P.S.卷一的考試手冊我寄左去你thomasntony@gmail.com的e-mail,你可睇睇。

大B 提到...

Jazzf 兄, 可否send 比我, 我都有興趣考

Jay 提到...

呀...唔係jazzf兄提超,原來我考左卷7同8,係差卷1,唔考埋嘅原因係卷一講條例,悶到抽筋。尤記得當初考嘅原因都係想了解多d金融工具嘅原理,入行唔係主要因素,所以就係咁擺低左!

卷1有幾深我唔知,不過認為係你記性多過應用,但係個範圍就好大,所以山兄要有心理準備

isvzaen 提到...

Hi all, do you think 315 has reached the top already?

山頂洞人 提到...

感謝Jazzf兄的意見和資料!沒想到有豁免這回事,原以為大學全程主修相關科目才行,我這個半途離家叛出的人不知可否得此「殊遇」,看來要問問才知曉。去年年底時,已買了卷1、2、7、8的手冊回家。初步看貌似不太困難,但第一卷的內容像Jay兄所說一樣很「悶蛋」,我也討厭類似模式的知識,看來要硬着頭皮投進去,也謝Jay的提點!這種非感性又不是甚麼完整理論的殘碎知識,有旁人在眼前耳邊講講說說會更易「入腦」,可能有關的課程就有這種好處。

isvzaen兄,有關股份的技術走勢,或要勞煩其他箇中高手代勞予意見。個人覺得以今年來說,相信你的持股和表現已經是市場上最佳的那5%!比逾80%炒上炒落的投資者成績更理想!對#5和#2628的熊仔真不好說,當下個人不敢玩,上次隨travers兄買恒指熊有斬獲,但天生膽小,只敢於未來很極端的情況下才再涉足。大概個人對#315不算有準確認識,害怕該企業的業務將於本年度到達頂峰,繼而復返平淡和競爭年代(但慷慨的派息作風真能提供不俗的支撐),以中線來說,當下反而覺得中移動相比之下更「值博」;相信買入中移動不會錯到哪裏,僅因為許多其他股份已經跌得七零八落,才另選別枝。初步相信來周港股仍有能耐反彈(熊證真要小心),但力度幅度成疑。

匿名 提到...

唔知洞人兄今日有無撈吓貨呢?

山頂洞人 提到...

匿名兄,事忙,收市前數分鐘才回到電腦前,今早又僅得約半小時空餘。早上股市已出乎個人意外,跌,勢頭不好。接受travers兄之勸言,$5.67先蝕沽#999,另外$8.79清掉撈了才一個工作日的#3323(買入價8.7元,打平),上星期五尾市最後一注清掉的#1114(@$8.28),設盤7.69元買,成功,收市價更低一點。尾市還設盤$4.49想買點#398(數天前在4.75至4.8元區間沽),僅取得一手,未必是壞事,這種勢頭跌穿4元也很難說。

手上持倉依然半滿,大勢不妙,反而興奮。黑心想明天再多跌一點。^-^

水泥股依然江河日下,零售股、濠賭股等也不濟。三大之前的強勢板塊中不少股份已跌穿最近的低位,更有不少股份再創52周新低,顯示資金主力仍以避險套現為上,甚或接近徹底「心淡」。現在撈貨可能還算「早」了一點,但要事後才知,不宜大注,「逐注逐注」跟大市冷靜耐心地玩。

個別沽出的股份低於心中的應有價值,但也不必心酸,未來似乎機會蠻多。

《信報》說大部分股份已離一年高位下跌了四成,符合個人的模糊印象(我並沒依據任何統計,僅根據個人看不少股份的表現所得出的直覺),大市已處於中大熊的境況。這趟中大型股災許多人很遲才意識到,被扭曲了的恒指所影響。去年九月至年底,個人在股市中找不着北,原來大市果然已到達了中期的頂峰,後來半年依然有不少股份疊創新高,大家都渾然不覺。到三江、保協等忽然大瀉時,原來真正熊蹤已經實實在在地出現……

Jazzf 提到...

大b兄,你無顯示電郵。

山頂兄我覺得743@3.2X都幾值博~10%左右。

山頂洞人 提到...

Jazzf兄,覺得許多水泥股都開始「平到唔信」,今天#732和#914玩瀑布跳崖。不過有印象在上一次海嘯前後,#3323也是玩超級過山車,曾自高位重挫八九成,其他水泥股的命運也差近,跟負債相當高和產品價格周期性波動有關。跟航運、賤金屬資源股一樣,這類股份實在刺激無比。過去一兩個月我數次吸納#914、#691和#3323,都有一個潛在的準備,就是隨時會再重挫(雖然表面看年內預測市盈率很低),短線隨時跳車,只是在玩火玩波浪。「一個唔覺意」不幸「做蟹」,若有一兩年的忍功,它們又很可能一隻隻鯉魚打挺,勁躍龍門,比90%以上的股份的升幅都要強勁……其實在尾市我都想吸小注#732、#914或「翻趙」#3323,只是時間已來不及。不過未必壞,將來以更接近崖底價吸納運氣更佳,而且其他許多股份也是五十步一百步之別而已。

水泥股如此下墜,大市正貼現國內的房地產開發進入冰河時期……

真沒想到今天港股這麼差,以為再反彈一兩天後再走下坡路……

大B 提到...

Jazzf兄,
我留左言係你個sinablog個留言簿度.

danny136036@gmail.com 提到...

波濤洶湧,波譎雲詭
應升不升,應跌不跌

淡友得勢反擊不繞人
通街破眼鏡不亦樂乎

目前短線升有限跌無限(誇大比喻...)
隨時不覺做了周郎
又或是給孔明借箭
殺至空城前又如何

在"藥煲提款機"市場博奕
容易進退失據和大傷元氣

若要勇闖只可派時遷突撃小隊
殺戮股場風雲羣英大會待明天

精兵大軍須忍耐只能留守觀戰.

Jazzf 提到...

你講得岩..XD水泥始終係成個版塊跌,話唔定聽日終極再跌可以見埋3蚊都唔定...lol

isvzaen 提到...

我個人睇好315既原因...

實在係因為大家用電話既習慣, 慢慢發覺越來越多人兩機在手, phone + pad...

又試諗下, 如果經濟真係差, 出現裁員, 你會唔會cut 你既電話開支, 完左約, 我諗你都未必會取消唔用無限上網, 三兩百月費都係走唔甩, 只係唔會咁快換新機, 唔換機其實對315仲好, 唔駛補貼咁多。點睇? 即係話, 未來都唔會出現咩業績倒退之類。

咁估值係又另一個問題黎既, 值唔值20PE, 唔識講, 但有4.x%息, 又係幾吸引。

山頂洞人 提到...

isvzaen兄,個人並不看淡#315本年的盈利(增長),不過猜想到了換機、網絡升級潮的末段(今年年底至明年年中?),每位客戶的收費也許將面臨下調壓力,這一點純粹猜測,不知會否變為事實。往績市盈率20倍,個人愛貼現到未來兩三年盈利複式增長達30%以上然後盈利未必會下降的股份,否則會較吝嗇一點。而中移動目前息率相近,但估值僅得一半,而且最壞的因素似乎已經盡露,較容易受新的利好形勢的刺激……

Jay 提到...

山兄,琴晚小弟收到一個電話,諗起相似嘅3G潮令315重估。

相信各位聽過FTTH及FTTB吧?1G、10G家用上網時代應該是時候開始;

街頭智慧有待證實,還看1137年報主席如何說個美麗的前景。

山頂洞人 提到...

Jay兄,改善我們的生活,電訊電子行當真是居功至偉。如果在不遠的將來我們都「被」投入其中,其相關公司的開支又不是太誇張,而我們又願意和有能力支付更大的相關開支的話,這類公司的營業額肯定能顯著增大。不過箇中的競爭而帶來的毛利率的走低也不能低估。看到LED燈行業,不足一年前才一片藍海,現在居然已出現產能過剩……


幾乎所有過去半年的強勢股繼續顯著下跌……市場正式步入絕望時期……

但轉眼看,個別大跌股份似乎開始有點吸納盤……

Rocky 提到...

又很久沒有留言了,路過打個招呼。

近兩個月忙於新屋事宜,個股也不太留意,只是經常同J神吹水。 XDD,近兩個月有關投資上既改動,主要都係郁下d長線/被迫長線既野。

長線 mpf 把握到近期僅有反彈上 20000 樓上的機會,將組合轉得更保守。

被迫長線的月供基金計劃,幸好老早停供了,但由於計劃仍然生效,依舊要付費用,所以只能適當調動一下。同時也有定準備,如果大市再大跌,這份基金有機會被迫再投入金錢。
(我相信每個人一生中都會有一個令自己後悔不已的投資決定,而我相信我的已經出現了 XDD)

Jay 提到...

>>>我相信每個人一生中都會有一個令自己後悔不已的投資決定,而我相信我的已經出現了

ROCKY兄,你還好,我已經出現三數個了!

Rocky 提到...

>>ROCKY兄,你還好,我已經出現三數個了!

有三數個,證明後悔得未夠深刻 XDDD (半開玩笑的)

匿名 提到...

Rocky哥對被迫長線買0既基金都後悔? 有排睇淡大市?


----龍

Rocky 提到...

>>Rocky哥對被迫長線買0既基金都後悔? 有排睇淡大市?

後悔既原因,係因為收費及流動性問題,唔關睇淡睇好事。

如果月供,真係唔應該用呢類基金 plan,簡簡單單在銀行月供 ETF 已經夠了。

匿名 提到...

http://hk.apple.nextmedia.com/template/apple/art_main.php?iss_id=20110920&sec_id=15307&subsec_id=15320&art_id=15628188

danny136036@gmail.com 提到...

山兄所言有理,實戰亦有個感

大水塘接近满漲
有機流向低水處

強勢價高股水位多,有走資不問價風險.

的貨愈來愈平,三一重工都要打退堂鼓.

若手上現金少貨多者,忍耐一点較佳.

看未曾大大插...590,116...漸漸向低流了
等等下又到早前的心水位.要過貪婪恐懼之關.

水泥板塊...現短線低買高即沽等者多,基金大戶已換馬防守板塊或離場,水乾試底何時了..

大市未轉向上升之勢,入市有會一段段被套之危.現在要比玻璃鞋灰姑娘更要提前走人心理.每天加強被險之心.子彈小心虛發,選飲慢食的機會看來多的是.

山頂洞人 提到...

龍兄,Rocky兄不喜的原因是在「水緊」的情況下還被逼去幹短線沒有實效的機制。

Danny兄,想法雷同。海嘯低位時股價自高位下挫七八成者比比皆是,當下個人模糊推度許多許多股份已下挫近四成半多,而被削掉六成七成的也不乏少數;不明白箇中原因,彷彿在股災面前總有許多股份自高位下挫六七成以上才算是港股特色。^-^

仍然維持時不時換馬,一步步慢慢地投入資金的策略。今天再投入約一成多一點現金,持倉佔比逾六成,返撈#1813@$3.45,返撈#999@$5.25(緊接兩日之間沽與買已相差一成!),今天再入#398@$4.29(昨天僅得一手@$4.49),返撈#3323@$7.69(也是兩日之間一沽一買價格相差逾一成!),加注#1728@$8.75。


許多股份的下跌完全沒有人在數月前想像得到。譬如去年的股王之一#746,已被腰斬,巴克萊在清場掃蕩?#712個人自近2.9元沽掉後一直先冷待再等機會,今天見1.3元水平,居然是上市後的新低!

今天不少水泥股已見反彈,中建材繼續下瀉,摩通前兩天減持。

#590在$30以下想吸,不過想再等等。之前曾擬穿$35返吸,市況如此,總體組合策略為重,改變主意。

Do寶爸 提到...

事忙有數天沒到山洞"蒲"!! 洞人兄搬家順利嗎?

今日亦返入一注#1728 @8.78

應跌不跌, 應升不升...太貼市的話自己覺得很倦, 難以捉摸

sketchbook 提到...

7.00 cut 2777
1157 hold =.=
手上果4千股當同佢陪葬算啦= =!!!!

匿名 提到...

Rocky哥, 洞人哥仔, 明解.

歐股又彈番啲, 個市真係......估倒都未必有獎, 因為第二日就可能面目全非. 咭咭!!

小弟今日再加多些少華晨, 尾市彈得幾好.....

----龍

匿名 提到...

travers哥, 4千股, 以你嚟講小意思啦, 小弟有其他貨陪你捱. 小弟期待緊瀉到萬六萬七嗰時, travers哥推介港交所或者匯控或者恒指認購輪......

----龍

pisces 提到...

洞人兄及各位好,
一個星期不在香港,回來發現這股價多是高台跳水,除了886以外。
看來洞人兄也已經安定新居,可以天天來此了。
今天也膽粗粗,心兢兢地買入些 398 (4.29),又買回些1828。
昨天買入590 (32.9)顯然是過早了。看著銅鑼灣周生生店的人頭,始終認為 這 116,590還會不錯的。各位如何看?
美國Tiffany 股價前一陣子從高處下跌30%多,早香港一步被洗倉? 報完 ER 後,現在一直在上升。香港的金飾股,鐘錶股隨後會否之後(10月?)也再次從回升勢呢?
good night everyone

Zeta 提到...

一開始又趺300點, 18800 都穿, 繼續尋底.?

山頂洞人 提到...

各位早!仍然較忙,看市時間不多,也來不及一一回應各位的意見,請見諒!在下已搬屋,感謝關注!不過零碎事太多,過去大半年一直擾攘要續請菲傭,卻因事遲遲搞不定,新請的要到十月初才到履新,加上照顧小孩,小孩又不是讀書的料,所以一直很困身。

今天港股仍然是「散水」格局。滿街殘價貨了,但或需有很明確的策略才能吸貨後坐定,不被震掉,買時真要有「信仰」般的堅定。^-^

宜惜取彈藥,但到真正底部時,也要看看有否那種堅定的決心而不至於過了蘇州。

興許大市還要尋底。這一波危機很可能比上次海嘯時還要痛苦且漫長……

個多月前,個人的感受是一片灰暗,至今,仍然看不到曙光……

Zeta 提到...

山洞兄,早啊!

1728 我都過早反吸了呢,不過後市真系睇唔清,日日趺,信心日日被消耗

匿名 提到...

洞人哥仔事忙, 先搞掂雜碎事先啦, 最緊要照顧好仔仔呀, 小弟睇好仔仔終非池中物0架.

見到好多股份有低位承接盤, 隻#3323呢排超弱, 但係頭先見到好多買盤, 由今朝低位彈番唔少...... 海螺增持A股, 有參考價值?


----龍

匿名 提到...

Zeta哥, 睇正通啲盤, 似係主力趁市悲壓住自己吸貨......連續成個星期UBS都係上下其手. 老總王木清係咁增持......

講開講, 就算唔買正通, 真係周街平貨等人執......


----龍

匿名 提到...

#999, #3323, #538, #1157......好多股份喺今朝最低位明顯反彈, 長城同神威好似跌唔落咁款. 就算係股災, 唔同股份'參差'被洗或者見底.....所以洞人哥仔逐步分注慢慢吸......


----龍

Zeta 提到...

龍兄,

今日有無吸1114啊?我排左1828

匿名 提到...

Zeta哥, 小弟冇吸#1114, 唔想持股太集中(絕非睇淡), 不過吸咗味千同埋中建材.


----龍

Zeta 提到...

龍兄,

你同山洞兄出手快+準!小弟在學習同中

Jazzf 提到...

743彈夠10%可以食糊..lol

Jay 提到...

3800 密密回購,似乎現價就算唔係管理層心入邊嘅底,也距底不遠。

Tony 提到...

J兄的743清脆利落!讚!

Jay 提到...

>>>J兄的743清脆利落!讚!

此J不同彼JAY

匿名 提到...

Jay...
一张醉脸傻痴痴...

Jay...
不喜说话像冬天...

匿名 提到...

Zeta哥, 小弟比起洞人哥仔同Jazzf哥喱啲神級人物, 四分一功力都及唔上呀!!

話時話, 等華晨穿7蚊入多注......


----龍

匿名 提到...

Jay哥講得有理, 2.42趙些少#3800.

----龍

Jazzf 提到...

龍兄,
唔好同uncle rocky一齊取笑我啦。

=]

Rocky 提到...

>>uncle rocky

小 dee dee 乖,叔叔帶你去睇金魚呀 XDD

匿名 提到...

咭咭咭!!! Jazzf哥唔使咁謙啦. 喱幾個月嚟山洞飲茶0既有好多猛人, 小弟攞啲茶渣再泡多杯, 都獲益唔少! 咁啱Danny哥, Rocky哥, travers哥同Jazzf哥你等等諸位(不能盡錄)都係技術派, 真係粒粒皆星!!

----龍

Zeta 提到...

龍兄,

睇黎你彈藥充足呢!1114 穿七元我都有興趣

山頂洞人 提到...

Hi!各位好!

昨天沒動作,等待大破碎(美國議息,市場多會失望)。今天可能是今年至今整體性最要錢不要貨的一天,不過仍不知何時到底。

買入六福@28.3和增持華晨@6.62。現金佔比餘約三成。

匿名 提到...

今次真係向18000出發,希望殺完18000牛牛個市會彈上啦

匿名 提到...

Zeta哥, 彈藥淨翻些少0查, 勉強買多四五次貨仔.....


哥仔幾日前講估整體股票悲觀跌多兩成半, 唔好講呀嘛, 搞到啲股仔日日跌六七巴仙, 咭咭咭!!! 小弟6.65加多些少華晨. 多揀擇到唔知揀邊隻好......

----龍

sketchbook 提到...

$7,3買入富力, 2日后在$7元沽, 再2天后已經見$6, 雖然當時有些不忿, 但是都要向現實低頭=.= 沒有山哥的身手, 只好觀望住先....

4000股1157講左會陪葬, 甘就坐住先^^!!!

早些日子NEW SIR在他的BLOG中說過, 這次是人生中的一次財富增值的重要時機, 我是同意的.

各個版塊都已經有心儀龍頭, 現在可以做的是等待.

多年的交易經驗給我一個強烈的感覺, 大盤已經沒力扭轉, 有些像是一架沒有剎車掣汽車, 已經滑過了懸崖邊的斜坡, 沖向90度角的懸崖...

山頂洞人 提到...

龍兄,呵呵,「我都唔想口架」。其實恒指若不是中移動勢強,地產股因有大把谷種過往幾年賺得多股價仍然跌得少,當下恒指或許是萬五、萬六點左右了。


travers兄,

>>>>大盤已經沒力扭轉, 有些像是一架沒有剎車掣汽車, 已經滑過了懸崖邊的斜坡, 沖向90度角的懸崖...<<<<

同感呀!似乎只有寄望突然上空有架大飛機以超敏捷身手掉下大吸盤把汽車吸住拉上……

«最舊 ‹較舊   1 – 200 (共 212 個)   較新› 最新»